【論保養、防毒、VPN之必要性 - 2023 防毒 同 VPN 買唔買】

大學生初初買買新電腦嘅時候, 好多時都會subscribe 曬各種軟件同服務去保護自己新買嘅愛機。雖然每個月嘅訂閱費的確唔高, 但係加加埋埋年尾都夠買返份聖誕禮物俾自己。想知保養、防毒、VPN 係咪真係全都要, 就要睇到尾啦～

保養買唔買?

如果成日匆匆忙忙, 需要四圍走動開工或者桌面空間細小嘅話, 其實可以延長保養當買個安心。例如Apple嘅用家可以試下Apple care, 而涉及電器上面嘅更換就可以考慮一下豐澤嘅替換易, 呢啲一站式嘅平台基本上對於新手嚟講都係十分之方便, 程序上亦都唔會過份繁複, 因此作為一個新手都好應該考慮下買呢啲保養服務。但係正常使用就唔太需要額外保養, 同埋, 都唔需要屏幕保護貼, 電腦外殼, 或者鍵盤薄膜。如果想保護部新機, 小編建議由保護套同電腦背囊著手。

防毒買唔買?

如果喺電腦有重要或者敏感文件, 額外嘅付費防毒可以俾你更全面嘅保護。但係日常使用又冇咩特別嘅話, 宜家跟機嘅防毒, 例如Windows Defender同Mac嘅Notarization, 已經可以輕鬆辨認同應付主流嘅電腦病毒。比起裝防毒更重要嘅係唔好亂咁click link、入個人資料同下載檔案。

VPN買唔買?

如果想跨地域瀏覽、購物、睇波睇戲煲劇, 或者保護好自己網上嘅行蹤, VPN 可以幫你解開區域限制同時保護好你嘅網上紀錄。如果同學仔都有買呢個vpn嘅需要, 小編會推薦大家選擇 surfshark VPN, 對比起其他主流嘅vpn, 例如係Nord VPN, Surfshark VPN就有一個好特別嘅優勢就係可以隱藏GPS 位置, 雖然其他vpn都會隱藏你嘅ip位置, 但係就唔會隱藏你嘅gps位置, 如果想使用期間更加安全嘅話, 咁surfshark vpn就會係你嘅首選啦。

如果想知更多點揀軟件嘅攻略，可以點擊下面嘅Link。

【5-個必裝-ipad-app】

【5個必裝-mac-app】

【4個app提升你嘅效率】

投票話我知你仲想知啲咩！唔想錯過就記得訂閲啦，有新資訊我哋會即刻通知你~

• 點用須知（網速急救，IOS升級須知）
• 點揀攻略（$300到2000 藍牙耳機點揀，聖誕送給他 / 她）
• 新品點評（論 WiFi 7，M3 MacBook 一個月後）
• IT 廢品（鐳射鍵盤，軌跡球滑鼠）

See All Options