【2023 必買iPad 配件 - 唔同需要邊部最好】

已更新：2023年12月13日

點解用嚟用去部 iPad硬係差咁啲？想用得就手，梗係要跟返自己嘅習慣揀配件啦。想提升 iPad 嘅使用體驗，小編個人就認為鍵盤，外殼，保護貼同埋觸控筆最有感啦，以下係小編嘅個人推薦：

鍵盤

如果大家離開咗電腦都有一定嘅生產力需求，避免要喺上嚟手忙腳亂最好都買定個鍵盤。

唔係成日都擺到部機喺枱面嘅話，可以考慮 Logitech 嘅 Combo Touch Keyboard Case with Trackpad （HK$ 1,548），喺大髀上面都開到工。

間中先需要打字嘅話，Apple 原廠嘅 Magic Keyboard （HK$ 729）都係一個唔錯嘅選擇，唔需要嘅時候可以放埋一邊，享受輕巧嘅機身。

外殼

外殼除咗保護部機之外，仲可以解放雙手，將iPad企起，講得上係懶人恩物。

注重保護度可以考慮 ESR 嘅 “ASCEND” Trifold Case （HK$ 117），雖然只係得兩個橫向角度揀，但係啫喱底殼保護性超高同時依然就咗位放筆。

如果用開嘅 App 需要打棟睇，可以考慮擁有四個使用角度嘅 Pitaka MagEZ Folio 2 （HK$ 480）呢款超薄磁吸套，輕巧型格咁處理各種工作。

保護貼

相信買得 iPad 嘅大家都一定聽過類紙膜（個人推薦德國 HK$398 嘅Paperlike），佢獨特嘅質感可以喺寫 notes 嘅時候帶嚟少少阻力，模擬寫喺紙上面嘅感受，仲可以減少反光添～

如果唔介意喺滑面寫字嘅話，玻璃保護貼嘅防護性會高啲，同時因為光滑嘅表面畫質會更高清，更貼近裸機嘅畫質，亦有更多特別功能，例如防藍光，防反光，防偷窺等等。

觸控筆

最後就係必買嘅手寫筆，Apple Pencil（HK$ 999）小編就唔多講喇，如果有藝術創作嘅需要，佢獨家嘅壓力感應真係無得輸。

但係如果主要都係用嚟寫 notes 可以考慮 Benks 嘅磁吸無線充電筆（HK$ 358），雖然冇壓力感應，但係依然可以貼喺 iPad 邊度無線充電。

如果想知更多硬件推薦，可以點擊下面嘅Link。

投票話我知你仲想知啲咩！唔想錯過就記得訂閲啦，有新資訊我哋會即刻通知你~

留言